დღის სიახლეები
შემოგვიერთდით
LIVE RADIO
ვიდეო არქივი
29 ნოემბერი 2021 03:11
    ავღანეთის თავდაცვის მინისტრი ინტერპოლისგან აშრაფ ღანის დაკავებას ითხოვს

    ავღანეთის თავდაცვის მინისტრი ინტერპოლისგან აშრაფ ღანის დაკავებას ითხოვს

    18-08-2021 13:38

    ავღანეთის თავდაცვის მინისტრმა, ბისმილა ხან მოჰამადიმ ინტერპოლს ქვეყნის ყოფილი პრეზიდენტის, აშრაფ ღანის დაკავებისკენ მოუწოდა. ამის შესახებ გენერალი მოჰამადი Twitter-ზე წერს.
     
    „აუცილებელია, რომ სამშობლოს გამყიდველები სათანადოდ დაისაჯონ“, - წერს მოჰამადი.
     
    რამდენიმე საათის წინ ადგილობრივ მედიაში გავრცელდა ინფორმაცია იმის შესახებ, რომ ავღანეთის ყოფილი პრეზიდენტი აშრაფ ღანი არაბთა გაერთიანებული საამიროების დედაქალაქ აბუ-დაბიში იმყოფება.
     
    15 აგვისტოს „თალიბანის“ წევრები ქაბულში შევიდნენ. ამის შემდეგ აშშ-ის საელჩოდან დიპლომატების ევაკუაცია ვერტმფრენით განხორციელდა. ავღანეთის პრეზიდენტი აშრაფ ღანი ტაჯიკეთში გაიქცა.
     
    1-ელ მაისს შეერთებულმა შტატებმა ავღანეთიდან ჯარის გაყვანა ოფიციალურად დაიწყო. 14 აპრილს აშშ-ის პრეზიდენტმა, ჯო ბაიდენმა ავღანეთიდან ამერიკული ჯარების გამოყვანა გამოაცხადა.
     
    ავღანეთის პრეზიდენტმა, აშრაფ ღანიმ ქვეყანაში უსაფრთხოების მკვეთრად გაუარესებული მდგომარეობა აშშ-ის მიერ ჯარების გაყვანის მოულოდნელ გადაწყვეტილებას დაუკავშირა.

    FACEBOOK კომენტარები